அன்பு நண்பர்களே,வணக்கம்.
பசுக்களின் வயதைக் கணக்கிடும் முறை
- மாடுகளின் வயதை அதன் கீழ்த் தாடையிலுள்ள எட்டு நிரந்தர முன் வரிசைப் பற்களின் வளர்ச்சியை வைத்து கணக்கிடலாம்.
- மாடுகளில் நிரந்தரப் பற்களாக் கீழ்தாடையில் 4 ஜோடி அதவாது 8 முன் வரிசைப்பற்கள் இருக்கும், மேல் தாடையில் முன் வரிசைப்பற்கள் இருக்காது.
- பொதுவாக கலப்பின மாடுகளில்
- 2 வருட வயதில் மத்திய ஜோடி நிரந்தர முன் வரிசைப் பற்கள் முளைக்கும்.
- 2 1/2 வருட வயதில் இரண்டாவது ஜோடி நிரந்தர முன் வரிசைப் பற்கள் முளைக்கும்.
- 3 வருட வயதில் 3 வது ஜோடி பற்களும்
- 3 1/2 - 4 வருட வயதில் கடைசி ஜோடி நிரந்தர முன்வரிசைப் பற்களும் முளைத்து விடும்.
- 6 வருட வயதில் இருந்து இப்பற்கள் தேய ஆரம்பிக்கும்.
- 10 வயது ஆகும் போது எல்லா முன்பற்களுமே தேய்ந்த நிலையில் இருக்கும்.
சிறந்த கலப்பின கறவை மாடுகளைத் தேர்தெடுக்கும் வழிமுறைகள்
- அகன்ற மார்பும், நீண்ட உடலமைப்பும், பின்பகுதி நன்கு விரிவடைந்தும், பக்கவாட்டில் பார்க்கும் பொழுது உடல் நீள முக்கோண வடிவமாகவும் இருக்கவேண்டும்.
- மடியானது தொடைகளுக்கு நடுவே பின்புறம் தொடங்கி வயிற்றின் முன்பாகம் வரை நீண்டு உடலோடு ஒட்டியிருக்க வேண்டும்.
- மடியில் உள்ள இரத்த நாளங்கள் நன்கு திரண்டு புடைத்து இருக்க வேண்டும்.
கருத்துகள் இல்லை:
கருத்துரையிடுக